तीन प्रहरी नायब महानिरीक्षक डीआईजी, एआईजीमा बढुवा
काठमाडौं । सरकारले तीन प्रहरी नायब महानिरीक्षक (डीआईजी)लाई एआईजीमा बढुवा गरेको छ ।
आज बसेको मन्त्रिपरिषद्को बैठकले तीन डीआईजी रवीन्द्र धानुक, वसन्तकुमार पन्त र धीरजप्रताप सिंहलाई एआईजीमा बढुवा गरेको हो ।
गृह मन्त्रालयको बढुवा सिफारिस समितिले १ चैतमा उनीहरुलाई प्रहरी अतिरिक्त महानिरीक्षक (एआईजी)मा बढुवा गर्न सिफारिस गरेको थियो ।
सो सिफारिसविरुद्ध तीन डीआईजीले लोकसेवा आयोगमा उजुरी दिएका थिए ।
तर, आयोगले बढुवा गरेको सिफारिसलाई सदर गरेको भोलिपल्ट बसेको मन्त्रिपरिषद बैठकले बढुवाको निर्णय गरेको हो ।
योसँगै एआईजीको संख्या आठ पुगेको छ ।