काठमाडौं । पुरानो बसपार्कमा निर्माणधिन काठमाडौं भ्युटावरको नक्सा प्रक्रिया निष्क्रिय रहेको सूचना काठमाडौं महानगरपालिकाले जारी गरेको छ । महानगरपालिकाले नक्साको छानबिन भैरहेकोले निचोड नआउने सयमसम्मको लागि निष्क्रिय रहेको बताइएको हो ।
आज महानगरले जारी गरेको सूचनामा भनिएको छ , ‘काठमाडौँ महानगरपालिका कार्यालय र जलेश्वर स्वच्छन्द विकोई विल्डर्स प्रालि बीच पुरानो बसपार्कमा काठमाडौँ भ्युटावर निर्माणका लागि सम्झौता भएको, उक्त प्रालिबाट निर्माण हुँदै गरेको काठमाडौँ भ्युटावर भवनको नक्सा पास सम्बन्धमा छानबिन समिति गठन भएको छ । अहिले छानबिनको कार्य भइरहेको हुँदा छानबिन समितिको प्रतिवेदन प्राप्त भएर कार्यालयबाट निर्णय नभए सम्मका लागि उक्त भवनको नक्सा पास निष्क्रिय रहने छ ।’
