काठमाडौं । सशस्त्र प्रहरीमा एक हजार भन्दा बढीलाई भर्ना खुलेको छ । सशस्त्र प्रहरी बल नेपालले आज एक सूचना जारी गर्दै सशस्त्र प्रहरी निरीक्षक (इन्सपेक्टर) देखि भान्छेसम्मका लागि भर्ना खुलाएको हो ।
जसमा सशस्त्र प्रहरी निरीक्षकमा ६८ जना, सशस्त्र प्रहरी सहायक निरीक्षकमा ८३ जना र सशस्त्र प्रहरी जवानमा ९४१ जनाका लागि भर्ना खुलेको छ ।
त्यस्तै, भान्छे २० जना, कूचिकार १९ जना, सूचिकार १० जना, केशकर्तक २४ जना र चर्मकर्मी १४ जनाका लागि भर्ना खुलेको छ ।
योग्य तथा इच्छुक व्यक्तिले पुस २४ गतेदेखि माघ २४ गते कार्यालय समयसम्म आवेदन दिन सक्नेछन्। आवेदन दिनका लागि विभिन्न केन्द्रहरू तोकिएको छ।
सशस्त्र प्रहरी निरीक्षकमा आवेदन दिएकाले सशस्त्र प्रहरी बल प्रधान कार्यालय हलचोक काठमाडौंमा र सहायक निरीक्षकमा आवेदन दिएकाले दरखास्त फाराम दर्ता गरेका सम्बन्धित कार्यालयहरुमा, जवानहरुले परीक्षा सन्चालन हुने सम्बन्धित कार्यालयहरुमा सम्पर्क राख्नुपर्ने छ ।
