काठमाडौं । एनएमबि लघुवित्त वित्तीय संस्था लिमिटेडको सेयर संरचना परिवर्तन भएको छ ।
कम्पनीले हाल कायम रहेको पुँजी संरचनालाई परिवर्तन गरी संस्थापक सेयरधनी समूहको ६० प्रतिशत र सर्वसाधारण सेयरधनी समूहको ४० प्रतिशत कायम भएको हो ।
यसअघि कम्पनीको सेयर संरचना संस्थापकतर्फ ७० र सर्वसाधारणतर्फ ३० प्रतिशत थियो ।
कम्पनीको कुल ७२ लाख १४ हजार ४९१.४८ कित्ता सेयरमध्ये परिवर्तित पुँजी संरचनापश्चात संस्थापक समूहतर्फको ४३ लाख २८ हजार ६९५.०४ कित्ता (६०) र सर्वसाधारण समूहतर्फको २८ लाख ८५ हजार ७९६.४४ कित्ता (४०) अर्थात् धितोपत्रको अनुपात हुने गरी अभिलेख गरिएको नेप्से मार्फत जनाएको छ ।
