काठमाडौं । गार्डियन माइक्रो लाइफ इन्स्योरेन्सले आईपीओ निष्काशन गर्ने भएको छ ।
इन्स्योरेन्सले प्रति सेयर १०० रूपैयाँ अंकित दरको २२ लाख ५० हजार कित्ता साधारण सेयर सर्वसाधारणहरुमा निष्काशन गर्ने भएको हो ।
कम्पनीले आईपीओ निष्काशन गर्नको लागि कुमारी क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ ।
उक्त सम्झौता पत्रमा इन्स्योरेन्सका तर्फबाट प्रमुख कार्यकारी अधिकृत चिरायु भण्डारी तथा कुमारी क्यापिटलका तर्फबाट प्रमुख कार्यकारी अधिकृत पुष्प शर्माले हस्ताक्षर गरेका छन् ।
कम्पनीमा १४ हजारभन्दा बढी पोलिसीहोल्डर तथा ५०० भन्दा बढी एजेन्ट छन् । कम्पनीले केन्द्रीय कार्यालयसहित शाखा उपशाखा तथा एक्सटेसन काउण्टर गरी देशभर २६ वटा कार्यालयहरुबाट सेवा प्रदान गर्दै आइरहेको छ ।
