काठमाडौं । जीवन बीमक संघ नेपालले पाँच जना पूर्व सीईओहरुलाई सम्मान गरेको छ । विभिन्न जीवन बीमा कम्पनीहरुमा सीईओको जिम्मेवारी पुरा गरेर बाहिरिएका पाँच जना पूर्व सीईओहरुलाई सम्मान गरिएको हो ।
संघले जीवन बीमा कम्पनीका पूर्व सीईओ रमेश कुमार भट्टराई, मनोज कुमार भट्टराई, कवि पाठक, निर्मल दाहाल र एलपी दासलाई सम्मान गरेको हो ।
नेपाल बीमा प्राधिकरणका अध्यक्ष सूर्य प्रसाद शिलवालले उनीहरुलाई सम्मान पत्र प्रदान गरेका थिए ।
कार्यक्रमलाई सम्बोधन गर्दै अध्यक्ष शिलवालले पूर्व सीईओहरुको योगदानको कदर गर्दै उनीहरुको अनुभवबाट नेपालको बीमा क्षेत्रले धेरै कुरा सिक्ने र जान्ने मोका पाएको बताए ।
संघका अध्यक्ष पोषकराज पौडेलले अग्रजहरुको सम्मान आवश्यक रहेको बताए । पूर्व सीईओहरुको अनुभव र ज्ञानबाट नेपालको बीमा क्षेत्रले अझै धेरै सिक्ने अवसर पाउने अध्यक्ष पौडेलले बताए ।
