काठमाडौं । हिमालयन रि इन्स्योरेन्सको आईपीओमा चौथो दिनसम्म १.१३ गुणबढी आवेदन परेको छ । आज साँझ ५ः१३ बजेसम्ममा १४ लाख ६० हजार १ सय १७ जना आवेदकबाट २ करोड ८० लाख ६१ हजार ३ सय ६० कित्ताका लागि आवेदन दिएको सीडीएसले जनाएको छ ।
जुन कम्पनीले सर्वसाधारणलाई निष्काशन गरेको सेयरको १.१३ गुणबढी आवेदन परेको हो । कम्पनीको आईपीओमा ५ अर्ब ७८ करोड ६ लाख ४० हजार १६० रुपैयाँ बराबरको आवेदन परेको छ ।
कम्पनीले मंसिर २७ गतेबाट सर्वसाधारणलाई प्रिमियम मूल्यमा आईपीओ निष्काशन गरेको हो । कम्पनीले २ करोड ४९ लाख कित्ता सेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँका दरमा सेयर निष्काशन गरेको हो ।
कम्पनीले जारी पुँजी १० अर्ब रुपैयाँको ३० प्रतिशत सेयर सर्वसाधारणलाई छुट्याइएको थियो । यही ३० प्रतिशतबाट वैदेशिक रोजगारीमा गएकाहरुका लागि ३० लाख कित्ता सेयर जारी भएर पनि बाडफाँट गरिसकेको छ ।
बाँकी २ करोड ७० लाख कित्ता सेयर भने सर्वसाधारणका लागि निष्काशन आरम्भ भएको हो ।कम्पनीले अंकित मूल्य एक सय रुपैयाँमा थप एक सय ६ रुपैयाँ थप गरी प्रतिकित्ता २०६ रुपैयाँमा आईपीओको बिक्री खुला गरेको हो । जसमा सर्वसाधारणले न्यूनतम १० कित्तादेखि अधिकतम ३ लाख कित्तासम्म आवेदन दिन पाउने छन् ।
कम्पनीको आईपीओमा पुस ११ गतेसम्म आवेदन दिन सकिनेछ । तर, यसअघि मागभन्दा बढी आवेदन परे जुनसुकै दिन पनि सूचना निकालेर आईपीओ निष्काशन बन्द भएको जानकारी दिने कम्पनीले जनाएको छ ।
कम्पनीको सेयर निष्काशन तथा बिक्री प्रबन्धकमा एनएमबि क्यापिटल रहेको छ । कम्पनीले आईपीओ निष्कासनका लागि गराएको रेटिङअनुसार इक्रा नेपालबाट केयरएनपी आईआर ए माइनस रेटिङ पाएको छ ।
