काठमाडौं । नेशनल लाइफ इन्स्योरेन्सले अभिकर्ताहरुका लागि तीन दिने चेयरपर्सन क्लब, सम्पन्न गरेको छ । असोज ६ गतेदेखि सुरु भएको चेयरपर्सन क्लबमा अभिकर्तालाई तालिम र ३५० अभिकर्तालाई सम्मान गरिएको हो
आर्थिक वर्ष २०७९/०८० मा तोकिएको लक्ष्य पुरा गर्न सफल ३५० जनाभन्दा बढी अभिकर्तालाई नेशनल लाइफ इन्स्योरेन्स सञ्चालक समिति अध्यक्ष प्रेमा राज्यलक्ष्मी सिंहको उपस्थितिमा चेयरपर्सन क्लबको सदस्यता वितरण तथा सम्मान प्रदान गरिएको छ ।
कार्यक्रममा अभिकर्ताहरुलाई जीवन बीमा व्यवसायमा थप हौसला प्रदान गर्दै बार हाँस्य व्यङ्ग्य कलाकार मनोज गजुरेलले मोटिभेशनल तालिम दिएका थिए भने र बीमा प्राधिकरणका हृदयश्वर पण्डितले सम्पत्ति शुद्धिकरण सम्बन्धी तालिम दिएका थिए ।
