काठमाडौं । आइजीआई प्रुडेन्सियल इन्स्योरेन्स लिमिटेडको प्रमुख कार्यकारी अधिकृत (सीईओ)मा युगेशभक्त बादे श्रेष्ठ नियुक्त भएका छन् ।
कम्पनी सञ्चालक समितिको वैशाख २७ गते बसेको बैठकले श्रेष्ठलाई सीईओमा नियुक्ति सिफारिस गरी स्वीकृतिका लागि नेपाल बीमा प्राधिकरणमा पेस गरेको थियो। प्राधिकरणले जेठ ५ गते पत्रमार्फत स्वीकृति प्रदान गरेको हो ।
त्यस्तै, कम्पनी सञ्चालक समितिको आज जेठ ९ गते बसेको बैठकमा श्रेष्ठले कम्पनीका अध्यक्ष हेमराज ढकालबाट सपथ ग्रहण गरेका छन्।
उक्त अवसरमा कम्पनीको सञ्चालक समिति तथा व्यवस्थापनले श्रेष्ठलाई सफल कार्यकालको शुभकामना व्यक्त गरेका थिए ।
