काठमाडौं । नेपाल स्टक एक्सचेञ्ज (नेप्से)मा हिमालयन एभरेष्ट इन्स्योरेन्सको सेयर सूचीकृत भएको छ ।
मंगलबार साविकको हिमालयन जनरल इन्स्योरेन्स र एभरेष्ट इन्स्योरेन्सबीच मर्जर पश्चात बनेको हिमालयन एभरेष्ट इन्स्योरेन्सको १ः०.८५ रेसियोमा कायम हुन आएको सेयर नेप्सेमा सूचीकृत भएको हो ।
कम्पनीको प्रतिसेयर १०० रुपैयाँ अंकित दरका २ करोड २३ लाख ९९ हजार ३६७ कित्ता सेयर नेप्सेमा सूचीकृत भएको हो ।
नेप्सेले मर्जर पश्चात पहिलो कारोबारको लागि ५१० रुपैयाँ ४८ पैसा ओपनिङ रेन्ज तोकिएको छ । त्यस अनुसार कम्पनीको सेयर कारोबार खुल्नेछ ।
कम्पनीको सेयरलाई नेप्सेले एचइआई कारोबार संकेत प्रदान गरेको छ ।
सूचीकृत पश्चात् उक्त सेयर भोलिदेखि नै धितोपत्र दोस्रो बजारमा कारोबारमा आउनेछ ।
