काठमाडौं । सानिमा लाइफ इन्स्योरेन्सले नयाँ बोनसदर सार्वजनिक गरेको छ ।
इन्स्योरेन्सले प्रतिहजार अधिकतम ७० रुपैयाँ र न्यूनतम २० रूपैयाँ बोनसदर सार्वजनिक गरेको हो ।
कम्पनीले बीमितहरुको लागि आर्थिक वर्ष २०७६/७७ को नयाँ बोनसदर घोषणा गरेको हो ।
कम्पनीले आज प्रकाशित गरेको बोनसदरअनुसार बीमितहरुले प्रतिहजार न्यूतम २० रुपैयाँदेखि अधिकतम ७० रुपैयाँसम्म बोनस पाउने छन् । इन्स्योरेन्सले विभिन्न ७ बीमा योजनाका विभिन्न अवधिका बीमितलाई सो मात्राको बोनसदर वितरण गर्ने भएको हो ।
सानिमा लाइफ इन्स्योरेन्सले सावधिक जीवन बीमा योजना (रेगुलर) अन्तर्गतका बीमितलाई न्यूनतम ३५ रुपैयाँदेखि अधिकतम ७० रुपैयाँसम्म बोनसदर उपलब्ध गराउने भएको हो ।
जसमा ९ वर्षसम्मका लागि ३५ रुपैयाँ, १० देखि १४ वर्षसम्मका लागि ३५ रुपैयाँ, १५ वर्षदेखि १९ वर्षसम्मका लागि ४२ रुपैयाँ, २० वर्षदेखि २४ वर्षसम्मका लागि ४७ रुपैयाँ र २५ वर्षभन्दा माथि प्रतिहजार ७० रुपैयाँ बोनसदर तोकिएको छ ।
त्यस्तै, सावधिक जीवन बीमा योजना (एकल) अन्तर्गतका बीमितहरुले न्यूनतम ३५ रुपैयाँदेखि अधिकतम ६५ रुपैयाँसम्म बोनसदर पाउने भएका छन् ।
जसमा ९ वर्षसम्मको लागि प्रतिहजार ३५ रुपैयाँ, १० देखि १४ वर्षसम्म ३५ रुपैयाँ, १५ देखि १९ वर्षसम्म ४० रुपैयाँ, २० देखि २४ वर्षसम्म ४५ रुपैयाँ र २५ वर्षदेखि माथि ६५ रुपैयाँ बोनसदर पाउनेछन् ।
त्यस्तै, त्रिपल सावधिक बीमा योजना अन्तर्गतबा बीमितहरुले न्यूनतम २० रुपैयाँदेखि अधिकतम ३० रुपैयाँसम्म बोनसदर प्राप्त गर्नेछन् ।
जसमा १० देखि १४ वर्षसम्म प्रतिहजार २० रुपैयाँ, १५ देखि १९ वर्षसम्म २० रुपैयाँ, २० देखि २४ वर्षसम्म २५ रुपैयाँ र २५ वर्षभन्दा माथिका ३० रुपैयाँ बोनसदर निर्धारण गरिएको छ ।