काठमाडौं । राष्ट्रिय जीवन बीमा कम्पनी लिमिटेडको सीईओको लागि ४ जना संक्षिप्त सूचीमा परेका छन् । कम्पनीले माग गरेको आवेदन अनुसार सीईओ पदको लागि इच्छा व्यक्त गर्ने मध्ये ४ जनाको नाम छनौट गरिएको हो ।
छनौट तथा सिफारिस समितिको अनुसार संक्षिप्त सूचीमा समावशे हुनेमा महेश रिमाल, राजुनाथ खनाल, रामदेव यादव र सुन्दर पन्थी रहेका छन् ।
छानौट हुनेहरुको प्रस्तुतीकरण र अन्तरवार्ताको समेत मिति तय गरिएको छ । माघ ४ गते दिउँसो साँढे तीन बजेबाट प्रस्तुतीकरण हुने तथा ५ गते बिहान ८ बजेदेखि अन्तरवार्ता हुने बताइएको छ ।
स्थान राष्ट्रिय जीवन बीमा कम्पनी नै रहने समेत बताइएको हो ।
