काठमाडौं । आईएमई लाइफ इन्स्योरेन्स कम्पनी लिमिटेडको प्रमुख कार्यकारी अधिकृत (सीईओ)मा पवन कुमार खड्का नियुक्त भएका छन् ।
कम्पनीको मंसिर १६ गते बसेको सञ्चालक समितिको बैठकले खड्कालाई सीईओ पदमा नियुक्त गरेको हो ।
उनलाई आगामी ४ वर्षका लागि सीईओ पदमा नियुक्त गरिएको कम्पनीले जनाएको छ । कम्पनीका यसअघिका सीईओ कवि फुयाँलको कार्यकाल गत भदौ ६ गतेदेखि समाप्त भएपछि कम्पनी सीईओ पद रिक्त रहेको थियो ।
कम्पनीको कामु सीईओको जिम्मेवारी दिनेश बहादुर अमात्यले सम्हाल्दै आएका थिए ।
