काठमाडौं । नेपाल टेलिकमले राष्ट्रिय सूचना तथा सञ्चार प्रविधि दिवस २०२३ (नेशनल आई सिटी डे) को अवसरमा ग्राहकहरुका लागि भ्वाइस र डाटा प्याकेज अफर ल्याएको छ ।
यो अफर आज (२०८० वैशाख १७) देखि प्रारम्भ भएको छ र आगामी २०८० वैशाख १९ सम्म लागु हुने कम्पनीले जनाएको छ ।
कम्पनीका अनुसार यस अन्तर्गत ४९ रूपैयाँमा १ दिन चलाउन सकिने १ एमबीपीएस अनलिमिटेड डाटा र नेपाल टेलिकमकै नेटवर्क भित्र कल गर्न सकिने १०० मिनेट अन नेट भ्वाइस सेवा उपलब्ध छ ।
यसैगरी डाटा प्याकेज अन्तर्गत ९८ रूपैयाँमा ३ दिन चलाउन सकिने ६ जीबी डाटा, १९९ रूपैयाँमा ७ दिन चलाउन सकिने १३ जीबी डाटा, २९४ रूपैयाँमा १० दिन चलाउन सकिने २० जीबी डाटा र ३९९ रूपैयाँमा १५ दिन चलाउन सकिने ३० जीबी डाटा प्याकेज उपलब्ध छ ।
‘सुरक्षित सूचना प्रविधि, सुशासन र समृद्धि’ भन्ने मूल नारा सहित राष्ट्रिय सूचना तथा सञ्चार प्रविधि दिवस २०२३ आगामी वैशाख १९ गते मनाइदै छ ।
