काठमाडौं । मेरिना इम्पेक्सले यस वर्षको बेष्ट टेलरिङ अवार्ड पाएको छ । सोह्रौ कर्पोरेट बिजनेस अवार्ड प्रदान गर्न काठमाडौंमा आयोजित समारोहमा मेरिना इम्पेक्सलाई ‘बेष्ट टेलरिङ अवार्ड,२०८०’ प्रदान गरिएको हो ।
कर्पोरेट मिडिया ग्रुपले विगत सोह्र वर्षदेखि विभिन्न विधामा कर्पोरेट बिजनेस अवार्ड प्रदान गर्दै आएको छ । ग्रुपले यस वर्ष ‘कर्पोरेट बिजनेश अवार्ड, २०८०’ मा उद्योग, व्यापार, शिक्षा, स्वास्थ्य, पर्यटन, बैंक, इन्स्योरेन्स र नवउद्यमीलगायत विभिन्न क्षेत्रका २९ जना व्यक्ति व्यक्तित्वहरूलाई अवार्ड प्रदान गरेको हो ।
बेष्ट टेलरिङ अवार्डले ग्राहकमैत्री सेवाका लागि थप प्रेरित गरेको मेरिना इम्पेक्सका अर्जुन बस्नेतले बताए । ग्राहकको चाहनालाई बुझेर विगत ४० वर्षदेखि स्तरिय शर्टिङ,शुर्टिङ तथा टेलरिङ सेवा दिदैं आएको र गुणस्तरमा सम्झौता नगर्ने भएकोले मेरिना इम्पेक्सले ग्राहकहरुको विश्वास जितिरहेको उनले बताए ।
काठमाडौंको न्युरोड, बागबजार, सामाखुसि र गाबहाल पाटनमा रहेका ४ शाखाबाट सेवा दिदैं आएको मेरिना इम्पेक्स विभिन्न ब्यापारिक र शैक्षिक संस्थाहरुका युनिफर्मका लागि समेत परिचित छ ।
