काठमाडौं । पेट्रोल र डिजेलको मूल्य बढेर आएको छ। भारतीय आयल कर्पोरेसन (आईओसी)ले नेपाल आयल निगमलाई पेट्रोल र डिजेलको मूल्य बढाएर पठाएको हो ।
नयाँ मूल्य सूचीअनुसार पेट्रोल लिटरमा साढे ६ रुपैयाँ र डिजल लिटरमा एक रुपैयाँले बढेर आएको नेपाल आयल निगमले जनाएको छ ।
आईओसीले हरेक १५/१५ दिनमा नयाँ मूल्यसूची पठाउने गरेको छ ।
सोही मूल्यको आधारमा निगमले उपभोक्ता मूल्य तोक्नेछ ।
हाल नेपालमा पेट्रोलको मूल्य प्रतिलिटर १७५ रुपैयाँ र डिजेलको मूल्य प्रतिलिटर १६५ रुपैयाँ कायम रहेको छ ।
