काठमाडौं । आइतबार छापावाल सुनको मूल्य ८ सय रूपैयाँले घटेको छ ।
चैत ३० गते बिहीबार, छापावाल सुनको मूल्य प्रतितोला १ लाख १० हजार ८ सय रुपैयाँ कायम भएकोमा आज ८ सय रूपैयाँले १ लाख १० हजार रूपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला १ लाख ९ हजार ५ सय रुपैयाँ कायम भएको छ ।
त्यसैगरी, चैत ३० गते बिहीबार चाँदीको मूल्य प्रतितोला १४ सय ५० रुपैयाँ कायम भएकोमा आज पनि सोहि मूल्य कायम भएको छ ।
वैशाख १ गते शुक्रबार नयाँ वर्षको दिन सुनको कारोबार बन्द रहेको थियो भने त्यसको भोलिपल्ट शनिबार रहेको थियो । दुई दिनपछि आजबाट सुनको कारोबार शुरु भएको हो ।
