काठमाडौं । पेट्रोलियम पदार्थको मूल्य घटेर आएको छ । भारतीय आयल कर्पोरेसन (आईओसी)ले नेपाल आयल निगमलाई पेट्रोलियम पदार्थको मूल्य घटाएर पठाएको हो ।
नयाँ मूल्यसूचीअनुसार पेट्रोल प्रतिलिटर १.२१ रुपैयाँ, डिजेल प्रतिलिटर ५.०५ रुपैयाँ र मट्टितेलको मूल्य प्रतिलिटर ३.४० रुपैयाँ घटेर आएको छ ।
आईओसीले हरेक १५/१५ दिनमा नयाँ मूल्यसूची पठाउने गरेको छ ।
सोही मूल्यको आधारमा निगमले उपभोक्ता मूल्य तोक्नेछ । यसअघि पेट्रोलियम पदार्थ मूल्य घटेर आए पनि निगमले नेपालमा मूल्य भने घटाएको छैन ।
हाल नेपालमा पेट्रोलको मूल्य प्रतिलिटर १७८ रुपैयाँ र डिजेलको मूल्य प्रतिलिटर १७५ रुपैयाँ कायम रहेको छ ।
