चितवन । स्किल सेवा प्रा. लि. को चितवन शाखाको आज शाखा कार्यालय लायन्स चोकमा उद्घाटन भएको छ । उद्घाटन समारोहमा चितवन जिल्लाका सहायक प्रमुख जिल्ला अधिकारी चिरञ्जिवी शर्माको प्रमुख अतिथी रहेको थिए । भरतपुर महानगरपालिका वडा नं.२ का वडाध्यक्ष मनोज रानाभाटको विशिष्ट अतिथी रहेका थिए ।
त्यसै गरी कान्तिपुर कलेजका प्राध्यापक श्याममणि कडेल अतिथ्य रहेको थियो । कार्यक्रम स्किल सेवा प्रालिका संस्थापक महेश तिमिल्सिना र कम्पनीका बजारीकरण तथा बिक्री विभाग प्रमुख सफल प्रधानले सहजीकरण गरेका थिए ।
स्किल सेवा प्रा. लि. का चितवन शाखा प्रबन्धक सौगात तिवारीले आफना भनाईहरु राख्दै आगामी दिनहरुमा पनि साथ र सहयोगको अपेक्षा समेत व्यक्त गरेका थिए । कार्यक्रममा ३० जना भन्दा पनि बढी सहभागी रहेका थिए । स्थानीयवासी, स्थानीय जनप्रतिनिधी एंव विभिन्न संघ संस्थाका प्रतिनिधीहरुको कार्यक्रममा सहभागिता रहेको थियो ।
स्किल सेवाका बजारीकरण तथा बिक्री विभाग प्रमुखले चितवनमा १०० भन्दा बढी प्रि-बुकिङ रहेको र उनीहरुबाट नै काम सुरु गरिने जानकारी दिए ।
स्मरण रहोस स्किल सेवा प्रा लि नयाँ घर निर्माण, घर मर्मत सम्भारको क्षेत्रमा विगत ५ वर्षदेखि काम गर्दै आएको विस्वसनीय कम्पनी हो । आफनो छुट्टै निर्माण कौशल, गुणस्तरिय सेवा र व्यवस्थापनका कारण स्किल सेवाले छोटो समयमै आफना सेवाग्राहीहरुको मन जित्न सफल भएको छ ।
यसका अतिरिक्त स्किल सेवाले काठमाडौ उपत्यकाका ३ वटै जिल्ला र पोखरामा पनि सेवा प्रदान गरी रहेको छ । करिब १८ हजार भन्दा बढी घरहरुमा इन्सपेक्सनगर्नुका साथै ७ हजार भन्दा बढी घरहरुको मर्मत सम्भार पनि गरीसकेको छ ।
