काठमाडौं । नेपाल आयल निगमले पेट्रोलियम पदार्थ र खाना पकाउने ग्यासको मूल्य बढाएको छ । निगमले मंगलबार मध्यरातमा इन्धनको मूल्य वृद्धि गरेको जानकारी दिएको हो ।
नयाँ मूल्य सूचीअनुसार पेट्रोल डिजल, मट्टितेल र हवाइ इन्धनको मूल्य मूल्य ५/५ रुपैयाँले बढाइएको छ ।
अब पेट्रोल १६० रुपैयाँ र डिजल तथा मट्टितेल प्रतिलिटर १४३ रुपैयाँ कायम भएको छ । निगमले हवाइ इन्धनको भाउ पनि बढाएको छ भने ४ महिनापछि खाना पकाउने ग्यासको पनि मूल्य प्रतिसिलिन्डर २५ रुपैयाँले बढेर १६ सय रुपैयाँ पुगेको छ ।
नयाँ मूल्य मंगलबार राती १२ बजेदेखि लागु भइसकेको छ ।
