काठमाडौं । जिउँदो ब्रोइलर कुखुराको मासुको मूल्य शुक्रबारदेखि पुनः बढेको छ ।
नेपाल राष्ट्रिय कुखुरा बिक्री व्यवसायी संघकाअनुसार आजबाट जिउँदो ब्रोइलर कुखराको प्रतिकिलो कोल्ड स्टोर मूल्य ३ सय रुपैयाँ पुगेको हो ।
जसअनुसार काठमाडौं उपत्यकामा तयारी ब्रोइलर कुखुराको मासुको मूल्य ४२० रुपैयाँसम्म पुगेको छ ।
ब्रोइलर कुखुरा उत्पादकहरुले एक सातामै दोस्रो पटक कुखुराको मासुको मूल्य बढाएका हुन् ।
गत सोमबार जिउँदो ब्रोइलर कुखराको मूल्य किलोमा १० रुपैयाँले बढेर प्रतिकिलो २९० रुपैयाँ पुगेको थियो।
संघका अनुसार रुस र युक्रेनको युद्धका कारण कुखुराको दाना उत्पादन गर्ने कच्चा पदार्थ आयात रोकिएको र प्राप्त भएको कच्चा पदार्थ पनि निकै महँगो भएका कारण कुख्राको मासुको मूल्य बढेको बताएको छ ।
