काठमाडौं । आइतबार छापावाल सुनको मूल्य ३ सय रूपैयाँले घटेको छ ।
शुक्रबार, छापावाला सुनको मूल्य प्रतितोला ९३ हजार ८ सय रुपैयाँ कायम भएकोमा आज ३ सय रूपैयाँले घटेर ९३ हजार ५ सय रूपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला ९३ हजार रुपैयाँ कायम भएको छ ।
त्यसैगरी, शुक्रबार चाँदीको मूल्य प्रतितोला १३ सय २५ रुपैयाँ कायम भएकोमा आज १० रूपैयाँले घटेर १३ सय १५ रूपैयाँ कायम भएको छ ।
