काठमाडौं । नेपाल राष्ट्र बैंकका पूर्व डेपुटी गभर्नर चिन्तामणि शिवाकोटीको ‘हिमालबाट हिउँ पग्लि’ भन्ने गिती म्युजिक भिडियो रिलिज हुने भएको छ । ओएसआर डिजिटलले उक्त म्युजिक भिडियो भोलि शुक्रबार २.३० बजे रिलिज गर्ने लागेको हो ।
शिवाकोटीको उक्त म्युजिक भिडियोमा सुरेश अधिकारीले संगित दिएका छन् भने प्रमोद खरेल, मेलिना राई र दिपा लामाले स्वर दिएका छन् । उक्त म्युजिक भिडियोमा आकाश अधिकारी र निता ढुंगानाले अभियन रहेको छ । उक्त म्युजिक भिडियोको अन्सेप्ट आकार अधिकारीले दिएका हुन् । ८ मिनेट लामो उक्त म्युजिक भिडियो शिवाकोटीको ५ औं म्युजिक भिडियो हो ।
शिवाकोटीको ५ औं म्युजिक भिडियोमा ‘हिमालबाट हिउँ पग्लि तराई मधेश अर्झुपर्छ, तराईको अन्नपात पहाड हिमाल चड्नु पर्छ’ भन्ने गीतको बोल रहेको छ ।
राष्ट्र बैंकमा ३० वर्ष काम गरेर सेवा निवृत्त भएका शिवाकोटीको यस अघि ‘समृद्ध नेपाल सुखी नेपाली’ भन्ने म्युजिक भिडियो रिलिज भएको थियो । यसअघि ‘जुनी जुनी’, जिउँदै छु र आएन खबर म्युजिक भिडियो रिलिज भइसकेको छ ।
शिवाकोटीको पत्थर मुटु भन्ने गित संग्रह रिलिज प्रकाशन भइसकेको छ । उक्त गित संग्रहमा ५२ वटा गीत संग्रह गरिएको छ । शिवाकोटीको उक्त गित संग्रह पनि भोलि शुक्रबार नै विमोचन हुँदैछ । शिवाकोटीको ‘सपनाहरू देशलाई कतिवता संग्रह (२०६३), उन्मुक्तिको स्वर कविता संग्रह(२०६६) र ‘मुलुक आर्थिक समृद्धिको यात्रामा आर्थिक लेखहरूको संगालो (२०७६) प्रकाशित भइसकेको छ ।
