काठमाडौं । कतारमा जारी विश्वकप फुटबलमा साउदी अरेबियाले दुई गोल फर्काएको छ । अहिले भइरहेको अर्जेन्टिना र साउदी अरेबियाबीचको खेलमा साउदी अरेबियाले दोस्रो हाफमा २ गोल फर्काएको हो ।
खेलको ४९ औं मिनेटमा सलेह अल शेहरीले गोल गर्दै साउदीलाई १-१ गोलको बराबरीमा ल्याएका थिए ।
त्यसपछि खेलको ५३ औं मिनेटमा सलिम अल्दावसरीले दोस्रो गोल गर्दै साउदीलाई २-१ को अग्रता दिलाएका छन् ।
अर्जेन्टिनाले पहिलो हाफमा १ गोलको अग्रता लिएको थियो ।
साउदीका साउद अब्दुलहामिदले अर्जेन्टिनाका लिन्ड्रो पारेडेसलाई पेनाल्टी क्षेत्रभित्र फाउल गरेपछि अर्जेन्टिनाले पेनाल्टी पाएको थियो ।
कप्तान लियोनल मेस्सीले १० औं मिनेटमा पेनाल्टीबाट गोल गर्दै अर्जेन्टिनालाई अग्रता दिलाएका हुन् ।
अहिले दुवै देशबीचको खेल चलिरहेको छ ।
