काठमाडौं । बलिउड अभिनेता विक्की कौशल र अभिनेत्री कट्रिना कैफको बिहेको भिडियो ८० करोडमा बिक्रि भएको छ । उनीहरुको विवाहको भिडियो अमेजन प्राइमलाई ८० करोडमा बेचेको भारतीय सञ्चारमाध्यमले जनाएको छ ।
केही दिनअघि विक्की र कट्रिनाको विवाहको दृश्य सार्वजनिक गर्न एक ओटीटी प्लेटफर्मले एक सय करोडको अफर गरेको खबर सार्वजनिक भएको थियो ।
उनीहरुले आफ्नो विवाहको भिडियो सामाजिक सञ्जालमा भाइरल नहोस् भन्ने कारणले विवाहमा उपस्थित अतिथिहरुलाई पनि मोबाइल लैजान समेत प्रतिबन्ध लगाइएको छ ।
उनीहरुको विवाहको कार्यक्रम मंगलबारदेखि शुरु भएको छ र बिहीबार विवाह बन्धनमा बाँधिने कार्यक्रम रहेको छ ।
