काठमाडौं । नवलपरासी–१ मा डलर अर्बपति विनोद चौधरी अगाडि देखिएका छन् ।
उद्योगपति चौधरीले अहिलेसम्म २२ हजार २०८ मत प्राप्त गरेका छन् भने उनका निकटतम प्रतिद्वन्दी जनता प्रगतिशील पार्टीका हृदयेश त्रिपाठी बनेका छन् । त्रिपाठीले १६ हजार ८९७ मत प्राप्त गरेका छन् । चौधरी त्रिपाठीभन्दा ५ हजार ३११ मतले अगाडि रहेका छन् ।
चौधरी नेपाली कांग्रेसबाट उम्मेद्वार बनेका हुन् । हालसम्मको मत परिणाम अनुसार नेपाली कांग्रेस ले २८ स्थानमा विजय हासिल गरेको छ भने २६ स्थानमा अग्रता कायम गरेको छ ।
