काठमाडौं । स्थानीय तह निर्वाचनमा सरकारी विद्यालयहरु आजदेखि ६ दिनसम्म बन्द हुने भएको छ । सामुदायिक विद्यायलहरु आजदेखि जेठ २ गतेसम्म बन्द हुने भएको हो ।
बैशाख ३१ गते शनिबार, जेठ १ गते सरकारले आइतबार दिएको सार्वजनिक बिदा र सोमबार बुद्ध जयन्ती परेकाले विद्यालयहरु लामो समयसम्म बन्द हुने भएको हो ।
सरकारले मतदानको दिन मात्र सार्वजनिक बिदा दिए पनि आजदेखि विद्यालयहरु बन्द भएका हुन् ।
स्थानीय तह निर्वाचनका लागि अधिकाशं विद्यालयमा मतदान केन्द्र राखिएको तथा शिक्षकहरु निर्वाचनमा खटिएपछि विद्यालय बन्द गरिएको हो ।
यसअघि शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय इकाइलाई मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन बिदा दिन निर्देशन दिएको थियो ।
