काठमाडौं । चालू आर्थिक वर्षको पहिलो त्रैमासमा धेरै वाणिज्य बैंकले नाफामा वृद्धि गरेका छन् । बैंकको ऋण प्रवाह चलायमान हुन नसके पनि केन्द्रिय बैंकको खुकुलो नीतिका कारण नाफामा वृद्धि भएको हो । चालू आर्थिक वर्षको मौद्रिक नीतिलाई नेपाल राष्ट्र बैंकले केहि खुकुलो बनाउने प्रयास गरेको छ ।
त्यसको प्रभाव चालू आर्थिक वर्षको पहिलो त्रैमासमा बैंकहरुको वित्तिय विवरणमा देखिएको हो । आज चौथो महिनाको पहिलो हप्ताको अन्तिम दिन हो । आज वाणिज्य बैंकले सार्वजनिक गरेको विवरण अनुसार केहि बैंकलाई छोडेर अधिकांश बैंकले नाफामा वृद्धि गरेको देखिएको हो । २० वटा वाणिज्य बैंकले कुल नाफा १६ अर्ब २३ करोड खुद नाफा कमाएका हुन् ।
सबैभन्दा बढी नाफा कमाउने नबिल बैंक
चालु आर्थिक वर्षको पहिलो त्रैमाससम्ममा सबैभन्दा बढी नाफा नबिल बैंकले कमाएको छ। सो बैंकले पहिलो ३ महिनामा २ अर्ब ५ करोड रुपैयाँ खुद नाफा कमाएको हो। यो गत आर्थिक वर्षको सोही अवधिको तुलनामा ३९.९७ प्रतिशत बढी हो। गत आर्थिक वर्षको सोही अवधिसम्ममा बैंकले १ अर्ब ४६ करोड रुपैयाँ खुद नाफा कमाएको थियो।
सो अवधिसम्ममा ग्लोबल आइएमई बैंक, नेपाल इन्भेष्टमेन्ट मेगा बैंक, प्राइम कमर्सियल बैंक, एनएमबि बैंक, एभरेष्ट बैंक, कुमारी बैंक र प्रभु बैंकले १ अर्बभन्दा बढी नाफा कमाएका छन्।
गत आर्थिक वर्षको असोज मसान्तसम्ममा ८८ करोड ८० लाख रुपैयाँ नोक्सानीमा रहेको कृषि विकास बैंकले भने यस वर्षको सोही अवधिसम्ममा १९ करोड ९ लाख रुपैयाँ खुद नाफा कमाएको छ।
असोज मसान्तसम्ममा सबैभन्दा कम नाफा भने एनआईसी एशिया बैंकको रहेको छ। बैंकले सो अवधिसम्ममा ११ करोड ५ लाख रुपैयाँ मात्र नाफा कमाएको छ। गत आर्थिक वर्षको सो अवधिसम्ममा बैंकले १ अर्ब १ करोड रुपैयाँ खुद नाफा कमाएको थियो। समीक्षा अवधिमा बैंकको यस्तो नाफा ८९.०६ प्रतिशत घटेको हो।
| Bank | Profit 2081 Asoj | Profit 2080 Asoj | Difference |
| Nabil Bank ltd. | 2,056,590 | 1,469, 300 | 39.97 |
| Global Ime Bank | 1,512, 140 | 1,225,754 | 23.36 |
| Nepal Investment Mega Bank ltd. | 1,464,075 | 1,522,299 | -3. 82 |
| Prime Bank ltd. | 1,286,787 | 1,151,522 | 11.75 |
| NMB Bank ltd. | 1,145,603 | 963,209 | 18.94 |
| Everest Bank ltd. | 1,127,704 | 780,579 | 44.47 |
| Kumari Bank ltd. | 1,078,177 | 263,935 | 308.50 |
| Prabhu Bank ltd. | 1,040,657 | 1,034,214 | 0.62 |
| Standard Chartered Bank ltd. | 862,201 | 827,700 | 4.17 |
| Nepal SBI Bank ltd. | 814,651 | 479,178 | 70.01 |
| Himalayan Bank ltd. | 726,432 | 1,056,183 | -31.22 |
| Nepal Bank ltd. | 602,189 | 142,370 | 322.97 |
| Laxmi Sunrise Bank | 536,359 | 103,041 | 420.53 |
| Machhapuchhre Bank ltd. | 503,263 | 541,139 | -7.00 |
| Sanima Bank ltd. | 399,530 | 482,909 | -17.27 |
| Siddhartha Bank ltd. | 382,084 | 42,862 | 791.43 |
| Citizen Bank international ltd. | 240,699 | 275,250 | -12.55 |
| Agriculture Development Bank | 190,923 | (888,071) | |
| Rastriya Banijya Bank ltd. | 151,302 | 859,804 | -82.40 |
| NIC Asia Bank ltd | 110,526 | 1,010,383 | -89.06 |
| Total | 16,231,892 | 13,345,560 | 21.65 |
