काठमाडौं । कोभिड–१९ महामारीकै बीच देशमा सञ्चालिन अधिकांश लघुवित्तहरूले उल्लेख्य नाफा कमाएका छन् । देशभर दूर–दराजमा रहेर आम नागरिकलाई सेवा दिइरहेका लघुवित्त वित्तीय संस्थाहरूले गएको आर्थिक वर्ष २०७७/७८ मनग्य नाफा गरेका हुन् ।
गएको आवमा वोमी लघुवित्त वित्तीय संस्थाले ७७ असारको तुनामा ६६६.८१ प्रतिशतले बढी नाफा कमाएका छ भने सिभिल लघुवित्त वित्तीय संस्थाले ४७४.५६ प्रतिशत बढी नाफा कमाएको छ ।
यो अवधिमा सबैभनदा बढी नाफा स्वाबलम्बन लघुवित्त वित्तीय संस्थाले गरेको छ भने मेरो माइक्रोफाइन्सान्सले ४४ करोड ७२ लाख रुपैयाँ नाफा गरेको छ । गत आवको वित्तीय विवरण प्रकाशित गरेका लघुवित्त वित्तीय संस्थामध्ये बढी नाफा कमाउने लघुवित्तमा ग्लोबल आईएमई लघुवित्त वित्तीय संस्था रहेको छ । उक्त लघुवित्तले गएको आवमा २२ करोड ७६ लाख खुद नाफा कमाएको छ ।
गएको आवमा धौलागिरी लघुवित्त वित्तीय संस्थाले ३ करोड ५० लाख रुपैयाँमात्रै नाफा कमाएको छ । यद्यपि लघुवित्तले कमाएको नाफा अघिल्लो आर्थिक वर्षको भन्न्दा अत्यधिक बढी हो । उक्त लघुवित्तले अघिल्लो आवमा ८८ लाख रुपैयाँमात्रै नाफा कमाएको थियो ।
पछिल्लो समय लघुवित्त वित्तीय संस्थाहरूको नाफामात्रै बढेको छैन । धितोपत्र बजारको दोस्रो बजारमा पनि लघुवित्तले ठूलै महत्व राखेको छ । अधिकांश लगानीकर्ताहरू लघुवित्तको सेयरमा झुम्मिने गरेका छन् र यी संस्थाको सेयरको मूल्य बैंकहरूको भन्दा पनि महँगो मूल्यमा खरिद बिक्री हुने गरेको छ ।
लघुवित्त २०७८ असारमसम्म २०७७ असारसम्म
स्वाबलम्बन ६१ करोड ९४ लाख ३५ करोड ६१ लाख
गणपति ४ करोड २१ लाख २ करोड ३९ लाख
सूर्योदय १० करोड ५६ लाख ४ करोड २४ लाख
लक्ष्मी १९ करोड ३१ लाख ६ करोड ५२ लाख
सारथी १० करोड ५८ लाख २ करोड ८८ लाख
वोमी १६ करोड ५ लाख २ करोड ९ लाख
आरएसडीसी ९ करोड १० लाख ७ करोड ८८ लाख
ग्लोबल आईएमई २२ करोड ७६ लाख ५ करोड ९४ लाख
समिट ११ करोड ९८ लाख ३ करोड ९७ लाख
मेरो माइक्रोफाइनान्स ४४ करोड ७२ लाख १८ करोड २१ लाख
सिभिल ६ करोड ५४ लाख १ करोड १३ लाख
साधना ११ करोड ७० लाख ३ करोड ९५ लाख
आशा १२ करोड ७१ लाख ४ करोड ८८ लाख
महुली ९ करोड ८० लाख २१ करोड ५४ लाख
धौलागिरी ३ करोड ५० लाख ८८ लाख
समता १० करोड ८३ लाख ५ करोड १३ लाख
मिर्मिरे २० करोड १ लाख ३ करोड ४३ लाख
सबैको लघुवित्त ११ करोड ४३ लाख ३ करोड ४४ लाख
स्रोतः कम्पनीले सार्वजनिक गरेको वित्तीय विवरण
