काठमाडौं । एनएमबी बैंकको नाफामा गिरावट भएको छ । अघिल्लो आर्थिक वर्षको तुलनामा गत आर्थिक वर्षमा खुद नाफा ८९ करोडले घटेको हो ।
बैंकले आज प्रकाशित गरेको वित्तिय विवरण अनुसार गत आर्थिक वर्ष २०८० ।८१ मा २ अर्ब ३३ करोड ६५ लाख रुपैयाँ खुद नाफा गरेको छ । अघिल्लो आर्थिक वर्ष ३ अर्ब २२ करोड २५ लाख रुपैयाँ खुद नाफा गरेको छ ।
बैंकले गत आर्थिक वर्षमा कुल २ खर्ब २३ अर्ब ९४ करोड र कर्जा लगानी १ खर्ब ९४ अर्ब ३३ करोड रुपैयाँ प्रवाह गरेको छ । वितरणयोग्य नाफा २३ करोड रुपैयाँ रहेको छ ।
बैंकको खुद ब्याज आम्दानी ७ अर्ब ४९ करोड ७० लाख रुपैयाँ रहेको छ ।
बैंकको खराब कर्जा अनुपात ३ दशमलव २७ प्रतिशत पुगेको छ । बैंकको प्रतिसेयर आम्दानी १२ दशमलव ७२ रुपैयाँ रहेको छ भने प्रतिसेयर नेटवर्थ १५८ रुपैयाँ २७ पैसा रहेको छ ।
