काठमाडौं । नबिल बैंकले ३ अर्ब रुपैयाँ बराबरको ऋणपत्र निष्काशन गर्ने भएको छ ।
बैंकले ३ अर्ब रुपैयाँ बराबरको नबिल डिबेञ्चर,२०८९’ नामक ऋणपत्र निष्काशनको माग गर्दै नेपाल धितोपत्र बोर्ड (सेबोन) मा आवेदन दिएको हो ।
८ वर्षे अवधिको उक्त ऋणपत्रमा ८ प्रतिशत ब्याजदर प्रदान गरिनेछ ।
ऋणपत्र निष्काशन तथा बिक्री प्रबन्धकमा नेपाल एसबिआई मर्चेण्ट बैंकिङ रहेको छ ।
बैंकले १ हजार रुपैयाँ अंकित दरका ३० लाख इकाई ऋणपत्र निष्कासन गर्नेछ । कुल इकाइमध्ये १८ लाख इकाइ व्यक्तिगत र बाँकी रहेको १२ लाख इकाइ भने आम सर्वसाधारणका लागि निष्कासन गरिनेछ ।
बैंकले ऋणपत्र निष्कासनको अनुमति माग गर्दै असार १४ गते आवेदन दिएको हो ।
