काठमाडौं । कामना सेवा विकास बैंकले रुपन्देहीको बुटवलस्थित थाइरो ल्याबसँग सेवा शुल्कमा छुट सम्बन्धी सम्झौता गरेको छ ।
यस सम्झौता अन्तर्गत कम्पनीका ग्राहकहरुले उक्त ल्याबले प्रदान गर्ने विभिन्न सेवा–सुविधामा २० प्रतिशत छुट प्राप्त गर्न सक्नेछन् ।
स्वास्थ्य सेवाका पहुँच सर्वसाधारण व्यक्तिसम्म पुर्याउने उद्धेश्यले स्थापित उक्त थाइरो ल्याब बुटवलमा कम्पनीका ग्राहकहरुले बैंकसँगको आबद्धताको प्रमाणको आधारमा उक्त सुविधा सहजै प्राप्त गर्न सक्नेछन् । उक्त सम्झौताबाट बैंकसँग आबद्ध सम्पूर्ण महानुभावले विशेष लाभ लिने कम्पनीले बताएको छ ।
हाल कम्पनीले १३५ वटा सञ्जालहरु तथा ७७ वटा एटीएम तथा विभिन्न शाखा रहित सेवा केन्द्रमार्फत् अत्याधुनिक सेवा सुविधाहरु प्रदान गरि रहेको पनि बताएको छ ।
