काठमाडौं । नेपाल स्टक एक्सचेञ्ज (नेप्से)मा सूचीकृत कम्पनीहरुले लाभांश घोषणा गरिरहेका छन् । भने, केही कम्पनीहरुले लाभांश वितरण पनि भइसकेको छ । यस्तो अवस्थमा विकास बैंकहरुले पनि लाभांश घोषणा गरिरहेका छन् ।
नेप्सेमा सूचीकृत १६ विकास बैंकमध्ये ५ वटाले गत आर्थिक वर्षको नाफाबाट सेयरधनीहरुलाई लाभांश घोषणा गरिसकेका छन् ।
जसमा २ वटा विकास बैंकको बुक क्लोज भइसकेको छ भने ३ वटा बुक क्लोज मिती तोकिन बाँकी छ ।
हालसम्म लाभांश घोषणा गरेको विकास बैंकमध्ये १९.५ प्रतिशत लाभांश सहित कामना सेवा विकास बैंक पहिलो स्थानमा छ ।
सांग्रिला विकास बैंक र कामना सेवा विकास बैंकको बुक क्लोज भइसकेको छ ।
मुक्तिनाथ विकास बैंक, शाइन रेसुङ्गा विकास बैंक र लुम्बिनी विकास बैंकको बुक क्लोज हुन बाँकी छ । यी विकास बैंकले क्रमशः १८.५, ११.५ र १३.७१२ प्रतिशत लाभांश घोषणा गरेका छन् ।
लाभांश घोषणा गरेका विकास बैंक
विकास बैंकहरुको लाभांश दिन सक्ने क्षमता
गरिमा विकास बैंक
गरिमा विकास बैंक गत आवमा ६० करोड ५७ लाख रुपैयाँ वितरण योग्य नाफा कमाएको छ । बैंकको चुक्ता पुँजी ३ अर्ब ७६ करोड ५९ लाख रुपैयाँ छ । बैंकले सेयर धनीलाई १६।४७ प्रतिशत लाभांश दिने क्षमता राख्छ ।
ज्योति विकास बैंक
ज्योति विकास बैंक गत आवमा ६० करोड ३० लाख रुपैयाँ वितरण योग्य नाफा कमाएको छ । बैंकको चुक्ता पुँजी ३ अर्ब ८४ करोड ४८ लाख रुपैयाँ छ । बैंकले सेयर धनीलाई १५।६८ प्रतिशत लाभांश दिने क्षमता राख्छ ।
महालक्ष्मी विकास बैंक
महालक्ष्मी विकास बैंकले गत आवमा ५६ करोड ३ लाख रुपैयाँ वितरण योग्य नाफा कमाएको छ । बैंकको चुक्ता पुँजी ३ अर्ब ३४ करोड २४ लाख रुपैयाँ छ । बैंकले सेयर धनीलाई १६।७६ प्रतिशत लाभांश दिने क्षमता राख्छ ।
मितेरी विकास बैंक
मितेरी विकास बैंकले गत आवमा १२ करोड ५३ लाख रुपैयाँ वितरण योग्य नाफा कमाएको छ । बैंकको चुक्ता पुँजी ७९ करोड ७३ लाख रुपैयाँ छ । बैंकले सेयर धनीलाई १५।७२ प्रतिशत लाभांश दिने क्षमता राख्छ ।
एक्सेल विकास बैंक
एक्सले विकास बैंकले गत आवमा ९ करोड ९६ लाख रुपैयाँ वितरण योग्य नाफा कमाएको छ । बैंकको चुक्ता पुँजी ८१ करोड ११ लाख रुपैयाँ छ । बैंकले सेयर धनीलाई १२।२८ प्रतिशत लाभांश दिने क्षमता राख्छ ।
सप्तकोशी विकास बैंक
सप्तकोशी विकास बैंकले गत आवमा ७ करोड ४४ लाख रुपैयाँ वितरण योग्य नाफा कमाएको छ । बैंकको चुक्ता पुँजी ८३ करोड ४३ लाख रुपैयाँ छ । बैंकले सेयर धनीलाई ८।९२ प्रतिशत लाभांश दिने क्षमता राख्छ ।
सिन्धु विकास बैंक
सिन्धु विकास बैंकले गत आवमा २ करोड ८ लाख रुपैयाँ वितरण योग्य नाफा कमाएको छ । बैंकको चुक्ता पुँजी ५५ करोड ७४ लाख रुपैयाँ छ । बैंकले सेयर धनीलाई ३।७३ प्रतिशत लाभांश दिने क्षमता राख्छ ।
कर्णाली विकास बैंक
कर्णाली विकास बैंकले गत आवमा ३ करोड ६८ लाख रुपैयाँ वितरण योग्य नाफा कमाएको छ । बैंकको चुक्ता पुँजी ५३ करोड रुपैयाँ छ । बैंकले सेयर धनीलाई ६।९४ प्रतिशत लाभांश दिने क्षमता राख्छ ।
नारायणी विकास बैंक
नारायणी विकास बैंकको गत आवमा विरण योग्य नाफा ऋणात्मक छ । बैंकको वितरण योग्य नाफा २१ करोड ८३ लाख रुपैयाँले ऋणात्मक छ । बैंकको चुक्ता पुँजी १३ करोड १२ लाख रुपैयाँ छ ।
कर्पोरेट र ग्रिन विकास बैंकले आफ्नो वित्तीय विवरणमा वितरण योग्य नाफा देखाएका छैनन् ।
