काठमाडौं । प्रभु क्यापिटल लिमिटेडले विश्व वित्तीय सप्ताह २०२४ (ग्लोबल मनि वीक, २०२४) को अवसरमा वित्तिय साक्षरता कार्यक्रम सम्पन्न गरेको छ ।
क्यापिटलले चैत ८ गते ललितपुर स्थित सानेपामा रहेका स्टार हस्पिटलका चिकित्सकहरुबीच उक्त कार्यक्रम सम्पन्न गरेको हो ।
कार्यक्रममा स्टार हस्पिटलका अध्यक्ष किशोर मर्हजन, प्रमुख संचालक अधिकृत सन्देश जिसि लगायत कार्यसमितिका सदस्यहरुसमेत गरी करीब २२ जना चिकित्सकहरु सहभागिता रहेको थियो । उक्त कार्यक्रम प्रविधिक विशेषज्ञका रुपमा प्रभु क्यापिटल लिमिटेडका प्रमुख लगानी अधिकृत दुर्गा नन्द झाले संचालन गरेका थिए ।
उक्त वित्तिय साक्षरता कार्यक्रम अन्तर्गत चिकित्सा पेशामा व्यस्त रहेका चिकित्सकहरुले समेत निष्क्रिय रुपमा सेयर बजारमा लगानी गरी अधिकतम लाभ पाउन सकिने उद्धेश्यका साथ उक्त कार्यक्रमको आयोजना गरिएको हो ।
उक्त कार्यक्रम ओइिसिडिको द्वारा संगठित विश्व वित्तीय सप्ताह-२०२४ को अवसरमा चिकित्सकहरुलाई लगानी सम्बन्धि जागरुकता, लगानीको विभिन्न अवसर र चुनौतीहरु, तथा लगानी सम्बन्धित जोखिम व्यवस्थापनको विषयमा केन्द्रित रहि तालिम कार्यक्रम सम्पन्न गरेको हो ।
चिकित्सकहरुले प्रभु क्यापिटल लिमिटेडले आयोजना गरेको उक्त कार्यक्रम सेयर बजार सम्बन्धि सचेतना तथा लगानीका विभिन्न विकल्पहरुको विषयमा निकै प्रभावकारी भएकोे बताएका छन् । चिकित्सकहरु आफ्नो समय व्यस्तता तथा सेयर बजारसम्बन्धी पर्याप्त ज्ञान नभएको कारण पूंजी बजारमा सक्रिय नरहेको बताएका थिए ।
पुँजी बजार तथा सेयर लगानीमा सचेतना अभिवृद्धिका लागि प्रभु क्यापिटलले बजारसँग सम्बन्धित विविध वर्कसप तथा तालिम कार्यक्रमहरु समय समयमा सञ्चालन गर्दै आईरहेको छ ।
