काठमाडौं । नेपाल एसबिआई बैंक र सिद्वार्थ विजनेस ग्रुप अफ हस्पिटालिटीबीच छुट प्रदान गर्ने सम्झौता भएको छ ।
नेपाल एसबिआई बैंकका सम्पूर्ण डेबिट कार्ड बाहक तथा वाइओएनओ नेपाल एसबिआई प्रयोगकर्ता ग्राहकहरुलाई लक्षित गरी उक्त ग्रुपका २१ आउटलेटमा विभिन्न सेवामा छुट प्रदान गर्ने सम्झौता भएको हो ।
सम्झौता अनुसार ग्राहकहरुले खाद्य पदार्थ र पेय पदार्थमा १० प्रतिशत तथा आवासमा २० प्रतिशत छुट पाउनेछन् । उक्त सम्झौता, बैंकका प्रबन्ध संचालक तथा प्रमूख कार्यकारी अधिकृत दीपक कुमार दे, प्रमूख संचालन अधिकृत यादवेंद्र कांत, प्रमूख व्यवसाय प्रबर्धन अधिकृत रितेश अर्याल, सिद्वार्थ विजनेस ग्रुप अफ हस्पिटालिटीका प्रबंधक नृपेश श्रेष्ठ तथा बैंकका वरिष्ठ प्रतिनिधिको उपस्थितीमा सम्पन्न भएको थियो ।
