काठमाडौं । नेपाल बैंकले लाभांश घोषणा गरेको छ । बैंकको कार्तिक ७ गते (आइतबार) बसेको संचालक समितिको बैठकले लाभांश घोषणा गरेको हो । बैंकले आर्थिक वर्ष २०७७/७८ को मुनाफाबाट १७ प्रतिशत लाभांश वितरण गर्ने प्रस्ताव गरेको हो ।
जस अनुसार कम्पनीले हाल कायम चुक्ता पुंजीको १४ प्रतिशत बोनस शेयर र कर प्रयोजनको लागि समेत ३ प्रतिशत नगद लाभांश गरि कुल १७ प्रतिशत लाभांश वितरण गर्ने प्रस्ताव गरेको हो । हाल कम्पनीको चुक्ता पुंजी १२ अर्ब ६३ करोड ६७ लाख रहेको छ ।
कम्पनीको उक्त प्रस्ताव नेपाल राष्ट्र बैंक र नेपाल सरकारले स्वीकृति पछि सेयरधनीलाई वितरण गरिनेछ ।
