काठमाडौं । नेपाल राष्ट्र बैंकले चालु आर्थिक वर्ष २०८०/८१ को मौद्रिक नीतिको पहिलो त्रैमासिक समीक्षा सार्वजनिक गरेको छ । शुक्रबार बसेको राष्ट्र बैंक सञ्चालक समितिको बैठकले मौद्रिक नीतिको पहिलो त्रैमासिक समीक्षा सार्वजनिक गरेको हो।
राष्ट्र बैंकले समीक्षा मार्फत सेयर धितो कर्जाको जोखिम भार घटाएको छ । राष्ट्र बैंकले सेयर धितो कर्जाको जोखिम भार २५ प्रतिशतले घटाएर १२५ प्रतिशतमा झारेको हो ।
राष्ट्र बैंकले बैंक तथा वित्तीय संस्थाले प्रदान गर्ने रियल स्टेट कर्जा र ५० लाखभन्दा बढीको सेयर धितो कर्जा दुवैको जोखिम भार घटाई १२५ प्रतिशत कायम गरेको हो ।
यसअघि उक्त जोखिम भार १५० प्रतिशत थियो ।
