काठमाडौं । नेपाल स्टक एक्सचेन्ज (नेप्से)मा नेपाल एसबीआई बैंकको ऋणपत्र सूचीकृत भएको छ।
मंगलबार बैंकको ‘नेपाल एसबीआई बैंक ऋणपत्र–२०८९’ नेप्सेमा सूचीकृत भएको हो। उक्त ऋणपत्रका १ हजार रुपैयाँ अंकित दरका कुल १४ लाख १८ हजार ३६६ इकाइ सूचीकृत भएको छ ।
नेप्सेले उक्त ऋणपत्रलाई ‘एसबीआईडी८९’ कारोबार संकेत प्रदान गरेको छ।
१० वर्षे अवधिको उक्त ऋणपत्रमा लगानीकर्ताले वार्षिक ९ प्रतिशत ब्याज पाउनेछन्।
योसँगै, अब भोलिबाट उक्त ऋणपत्र कारोबारमा आउनेछ।
