काठमाडौं । नेपाल धितोपत्र बोर्ड (सेबोन)ले सिटिजन्स बैंक इन्टरनेसनल लिमिटेडलाई ऋणपत्र निष्काशनको लागि अनुमति प्रदान गरेको छ । बोर्डले बैंकलाई ३ अर्ब रुपैयाँबराबरको ऋणपत्र निष्काशनका लागि अनुमति प्रदान गरेको हो।
अब सिटिजन्स बैंकले ‘सिटिजन्स बैंक बन्ड-२०८०’ जारी गर्नेछ। बैंकले उक्त ऋणपत्रका १ हजार रुपैयाँ अंकित दरका कुल ३० लाख इकाइ ऋणपत्र बिक्री खुला गर्नेछ।
कुल इकाइमध्ये बैंकले १८ लाख इकाइ व्यक्तिगत तबरबाट र बाँकी १२ लाख इकाइ सर्वसाधारणका लागि बिक्री खुला गर्नेछ।
उक्त ऋणपत्र १० वर्षे अवधिको हो। यसमा लगानीकर्ता वार्षिक १० प्रतिशत ब्याज पाउनेछन्।
बैंकको ऋणपत्र बिक्री प्रबन्धकमा हिमालयन क्यापिटल रहेको छ।
