काठमाडौं । नेपाल राष्ट्र बैंकले नयाँ सञ्चालक नियुक्त गरेको छ । राष्ट्र बैंक सञ्चालकमा बैंकका पूर्व कार्यकारी निर्देशक रविन्द्रप्रसाद पाण्डे नियु्क्त भएका हुन् । राष्ट्र बैंकबाट विशिष्ट श्रेणीबाट १२ वर्षअघि अवकास भएका पाण्डेलाई मन्त्री परिषदको बैठकले सञ्चालकमा नियुक्त गरिएको हो ।
नेपाल राष्ट्र बैंकमा लामो समय विताएका पाण्डे कार्यकारी निर्देशकबाट अवकास भएका थिए । उनले त्यहाँ अनुसन्धान, बैंक तथा वित्तीय संस्था सुपरिवेक्षण विभागको नेतृत्व गरेका थिए । उनी यस अघि कांग्रेसको सरकार भएका बेला राष्ट्रिय वाणिज्य बैंकका अध्यक्ष भएका थिए ।
पाण्डे मौद्रिक तथा वित्तीय अर्थशास्त्रका विज्ञ हुन् । उनले इस्ट लन्डन विश्वविद्यालयबाट विद्यावारिधि गरेका हुन् । उनी तथ्यांकशास्त्रमा त्रिभूवन विश्वविद्यालयबाट स्नतकोत्तर पनि हुन् ।
पाण्डे मध्यपश्चिमाञ्चल ग्रामिण विकास बैंकको अध्यक्ष, नागरिक लगानी कोषका सञ्चालक र धितोपत्र वोर्डका सञ्चालक भइसकेका छन्
