काठमाडौं । नेपाल एसबिआई बैंक रेमिट्यान्सको आप्रवाह विधातर्फ उल्लेखनीय योगदान गरेकोमा सम्मानित भएको छ ।
नेपाल राष्ट्र बैंकले आफ्नो ६८औं वार्षिक उत्सवको अवसर पारेर नेपाल एसबिआई बैंकलाई प्रशंसापत्र प्रदान गरेको हो ।
राष्ट्र बैंकका गभर्नर महाप्रसाद अधिकारीले एसबिआई बैंकका प्रमुख कार्यकारी अधिकृत दीपक कुमार देलाई प्रशंसापत्र प्रदान गरेका हुन् ।
नेपाल एसबिआई बैंकले ६३ शाखा, २२ एक्स्टेन्सन काउन्टर, ७ प्रादेशिक कार्यालय मार्फत सेवा दिँदै आएको छ ।
