काठमाडौं । चालु पुँजी कर्जाको विषयलाई लिएर चौतर्फी दवाव सिर्जना भएपनि राष्ट्र बैंकले मध्यमार्गी बाटो रोज्ने भएको छ । एक साताअघि अर्थमन्त्री विष्णु पौडेलसँग भेटेका उद्यमी व्यवसायीहरूले आज सोमबार राष्ट्र बैंकका भगर्नरलार्य भटेको छन् । अर्थमन्त्रीको चाहना बमोजिम उनीहरूलाई गभर्नर कार्यालयले बोलाएर छलफल गरेको हो ।
उद्योगी व्यवसायीले गभर्नरसँगको भेटमा चर्को ब्याज घटाउनुपर्ने, चालु पुँजी कर्जा स्थगन गर्नुपर्ने र बजारमा तरलता प्रवाह गर्ने मौद्रिक औजारहरूको प्रयोग गर्नु पर्ने माग राखेका थिए । एक साताअघि पनि उनीहरूले अर्थमन्त्रीसँगको भेटमा यहि सुझाव दिएका थिए ।
सो मार्गदर्शनले उद्यमी व्यवसायीको मनोबल कमजोर भएको, मागमा संकुचन आएको, व्यवसायीहरु ऋण तिर्न नसकेर कालोसूचीमा पर्न थालेकोलगायतका गुनासो गरेका थिए ।
उद्यमी व्यवसायीहरूले चालु पुँजी कर्जा मार्गदर्शनको व्यवस्था राम्रो हुँदाहुँदै पनि अप्ठ्यारो समयमा आएका कारण निर्देश पालना गर्न गाह्रो भएको गभर्नरलाई गुनासो गरेका हुन् । यस विषयमा लचकता अपनाउन गभर्नरसँग कुराकानी भएको छ, एक उद्यमीले भने ‘नयाँलाई मार्गदर्शन लागू भएपनि पुरानालाई २ वर्ष समय सीमा दिन आवश्यक छ ।’ नत्र हामी ठूलो खाडलमा पर्छौ,’ उद्यमी व्यवसायीले गभर्नर अधिकारीलाई भने ‘चालु पुँजी चलाइसकेकाहरूलाई व्यवहार मिलाउन केही समय लाग्छ । पुरानोलाई कम्तिमा २ वर्ष व्यवस्था लागू नगर्न अनुरोध गरिएको छ ।
एमाले सरकारले नियुक्त गरेका गभर्नर महाप्रसाद अधिकारीलाई एमालेका नेता अर्थमन्त्री भएका बेलामा आएको दवाव नकार्न नमिल्ले भएकोले राष्ट्र बैंकले चालु पुँजी कर्जाको विषयमा मध्यमार्गी बाटो रोज्ने देखिएको छ । यस विषयलाई लिएर गभर्नर अधिकारी दवावमा परेका छन् ।
समस्या समाधानको लागि गभर्नरले अब लिने रणनीति भनेको सरकार अझ भनौ अर्थमन्त्रीलाई सफल बनाउने नै हो । त्यसैले गर्दा एकातिर उद्यमी व्यवसायी पनि खुशी हुने र अर्कोतिर अर्थमन्त्री पनि रिझिने भएकाले पनि राष्ट्र बैंकले यो बाटो रोज्न लागेको हो ।
गभर्नर अधिकारीले बिहान ११ बजे महासंघ अध्यक्ष शेखर गोल्छाको टिमलाई भेटको थिए भने दिउँसो २ बजे नेपाल उद्योग परिसंघका अध्यक्ष विष्णुकुमार अग्रवाल र ३ बजे नेपाल चेम्बर अफ कमर्शका अध्यक्ष राजेन्द्र मल्लसँग बसेर छलफल गरेका थिए ।
अहिले मनोबल कमजोर भएको, मागमा संकुचन आएको, व्यवसायीहरु ऋण तिर्न नसकेर कालोसूचीमा पर्न थालेको चालु पुँजी मार्गदर्शनका कारण हो,’ सहभागी एकले भने, ’त्यसैले यसलाई स्थगित गर्नु पर्ने सुझाव दिएका हौं।’
