काठमाडौं । सिन्धु विकास बैंकले लाभांश यस वर्ष पनि लाभांश वितरण नगर्ने भएको छ । बिहीबार बसेको कम्पनीको संचालक समितिको बैठकले आर्थिक वर्ष २०७८/०७९ को मुनाफाबाट सेयरधनीहरुलाई लाभांश वितरण नगर्ने निर्णय गरेको हो ।
बैंकले अन्तिम पटक आर्थिक वर्ष २०७५/७६ को मुनाफाबाट लाभांश वितरण गरेको थियो । त्यसयता ३ वर्षदेखि बैंकले कुनै पनि लाभांश वितरण गरेको छैन ।
बिहीबारको बैठकले आ.व. २०७८/०७९ को असार मसान्तसम्मको वित्तीय विवरण स्वीकृतिका लागि नेपाल राष्ट्र बैंकमा पठाउने निर्णय गरेको छ । राष्ट्र बैंकले स्वीकृति दिएपछि बैंकलाई साधारणसभा बोलाउने बाटो खुल्ने छ ।
