काठमाडौं कृषि विकास बैंकका प्रमुख कार्यकारी अधिकृत अनिल उपाध्याय आज एशिया प्यासिफिक रुरल एण्ड एग्रिकल्चर क्रेडिट एसोसिएसन (अप्रका) मा भियतनाम जाँदैछन् । कृषि विकास बैंकको प्रतिनिधित्व गर्दै उनी भियनामतर्फ प्रस्थान गर्न लागेका हुन् । सीईओसहित कृषि विकास बैंकका अन्य दुई जना अप्रकाको एक्ज्युकेटिभ मिटिङ (कार्यकारीहरुको बैठक) मा सहभागी हुनेछन् ।
नेपाल बैंकर्स संघको अध्यक्ष समेत रहेका उपाध्यायसहित बैंकका लुम्बिनी प्रदेश प्रमुख र साना तथा मझौला विभागीय प्रमुख समेत भियतनाम जान लागेका हुन् । कृषि विकास बैंक अप्रकाको सदस्य संस्था हो । सन् १९९४ मा स्थापना भएको अप्रकामा १६ देशका २९ संस्थाहरु सदस्य छन् । बैठकमा सबै संस्थाका कार्यकारी प्रमुखहरु सहभागी हुने कार्यक्रम रहेको छ ।
