काठमाडौं । नेपाल स्टक एक्सचेन्ज (नेप्से)मा सिवाईसी नेपाल लघुवित्तको सोमबारको स्पेसल प्रि ओपन सेसनमा कम्पनीको सेयर कारोबार सुरु भएको छ । कम्पनीको पहिलो कारोबार ३८२.२ रुपैयाँमा सुरु भएको हो ।
कम्पनीको ‘सिवाइसिएल’ सिम्बलबाट कारोबार सुरु भएको हो । शुक्रबार कम्पनीको १२ लाख १६ हजार ४ सय १८ कित्ता सेयर सूचीकृत भएको थियो ।
नेप्सेले लघुवित्तको पहिलो कारोबारको लागि न्युनतम प्रतिकित्ता ३४४.३६ रुपैयाँ र अधिकतम १०३३.०८ रुपैयाँ तोकेको छ । यस रेन्ज बीचको जुनसुकै मूल्यमा रहेर कम्पनीको पहिलो कारोबार हुन सक्ने व्यवस्था रहेकोमा ३८२.२ रुपैयाँमा पहिलो कारोबार भएको हो।
नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ ।
