काठमाडौं । नेपाल स्टक एक्सचेन्ज (नेप्से)मा उपकार लघुवित्तको सेयर सूचीकृत भएको छ ।
बिहीबार कम्पनीको अंकित मूल्य १०० रुपैयाँ दरको ६ लाख ५६ हजार २५० कित्ता साधारण सेयर सूचीकृत भएको हो । कम्पनीको आइपीओ ‘युएलबिएसएल’ सिम्बोलबाट सूचीकृत भएको हो ।
नेप्सेले कम्पनीको पहिलो कारोबारको लागि ४०३.९१ रुपैयाँ देखि १२११.७३ रुपैयाँसम्मको रेन्ज तोकेको छ। बुधबारको स्पेसल प्रि ओपन सेसनमा मूल्य तय भएमा नेप्सेमा नियमित रुपमा कम्पनीको सेयर कारोबार हुनेछ ।
कम्पनीको प्रतिसेयर नेटवर्थ ४०३ रुपैयाँ ९१ पैसा रहेको छ । नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको सुरुवाती रेन्ज तोक्ने गरेको छ ।
कम्पनीको सेयर रजिष्ट्रार नेपाल एसबिआई मर्चेन्ट बैंकिङ रहेको छ ।
सेयर सूचीकृत भएसँगै शुक्रबारबाट कम्पनीको सेयर खरिद बिक्री गर्न सकिने छ ।
