काठमाडौं । नेपाल राष्ट्र बैंकका गभर्नर महाप्रसाद अधिकारीको मुद्दा आज सुनुवाई हुँदैछ । मंगलबार हेर्दाहेर्दैमा सकिएको रिट निवेदनको सुनुवाई आज हुन लागेको हो ।
आज न्यायधिश सपना मल्ल प्रधान र टंकबहादुर मोक्तानको इजलाशमा उक्त मुद्दाको सुनुवाई हुने भएको हो।
अदालतले आज गभर्नरको मुद्दामा अन्तरिम आदेश दिने कि नदिने भन्ने विषयमा आदेश दिने छ ।
सरकारले छानविन समिति बनाएर गभर्नरलाई निलम्बन गरेपछि गभर्नर अधिकारीले सर्वोच्च अदालतमा मुद्दा हालेका थिए ।
अल्पकालीन आदेशमा गभर्नरलाई निलम्बन गर्ने निर्णय कार्यान्वयन नगर्नु र काम गर्न नरोक्नु भन्दै सर्वोच्चले अन्तरिम आदेश दिएको थियो । सर्वोच्च अदालतका न्यायाधीश हरि फुयालले अल्पकालीन अन्तरिम आदेश दिँदै वैशाख १३ गते छलफलका लागि दुबै पक्षलाई बोलाएका थिए ।
सरकारले गर्ने काममा असहयोग गरेको भन्दै गत चैत २४ गते बसेको मन्त्रिपरिषद्को बैठकले गभर्नर अधिकारीलाई निलम्बन गरेको थियो ।
