काठमाडौं । लक्ष्मी सनराइज बैंक लिमिटेडको २४औं वार्षिक साधारणसभा सम्पन्न भएको छ । सभा आज पुस २४ गते काठमाडौंमा सम्पन्न भएको हो ।
साधारण सभाले बैंकको चुक्ता पुँजीको ५ प्रतिशत बोनस सेयर वितरण गर्ने प्रस्ताव पारित गरेको छ । पारित बोनस सेयरसँगै बैंकको चुक्ता पुँजी रु २४ अर्ब ३४ करोड पुगेको छ ।
सभाले आर्थिक वर्ष २०८०/८१ का लागि संचालक समितिको प्रतिवेदन तथा सोही आर्थिक वर्षको बैंकको वित्तीय विवरण उपर छलफल गरी स्वीकृत गरेको छ । साथै आर्थिक वर्ष २०८१/८२ का लागि लेखापरिक्षकको नियुक्ति समेत गरेको छ ।
आ.व. २०८०/८१ मा ३३३ अर्ब निक्षेप र २५८ अर्ब कर्जा पु¥याएको यस बैंकको वासलातको आकार ३९५ अर्ब रहेको छ । सो आ.व.मा बैंकले २ अर्ब ९२ करोड रुपैंया खुद मुनाफा आर्जन गर्न सफल भएको छ ।
