काठमाडौं । वाणिज्य बैंक, विकास बैंक र फाइनान्स कम्पनीबाट नेपाल राष्ट्र बैंकले ७० अर्ब रुपैयाँ तान्दै छ । बोलकबोल माफर्त पैसा तान्न लागेको हो ।
राष्ट्र बैंकले जारी गरेको सूचना अनुसार २१ दिनका लागि आजै दिउँसो २ बजे बोलकबोलको समय तोकिएको छ । घटिमा १० करोड रूपैयाँ र बढीमा पाँच करोड रूपैयाँले भाग गर्दा आउने निःशेष भाग जाने गरी कुल आह्वान रकमसम्म बोलकबोल गर्न सकिने छ ।
सावाँ तथा ब्याज भुक्तानी आगामी माघ ६ गते तोकिएको छ भने यसको ब्याजदर समेत बोलकबोलको माध्यमबाट उल्लेख छ । वाणिज्य बैंक , विकास बैंक र फाइनान्स कम्पनी सहभागी हुन सक्नेछन् ।
