काठमाडौं । वाणिज्य बैंकहरुले पुस महिनाका लागि ब्याजदर सार्वजनिक गरेका छन् । पुस महिनाका लागि अधिकांश वाणिज्य बैंकहरुले मंसिरकै ब्याजदरलाई निरन्तरता दिएका छन् ।
जसमा प्राइम कमर्सियल बैंक, कृषि विकास बैंक र एनएमबि बैंकले पुस महिनाका लागि ब्याजदर बढाएर सार्वजनिक गरेका छन्।
एनआईसी एशिया बैंक र नेपाल बैंकले भने ब्याजदर घटाएका छन् ।
त्यस्तै, लक्ष्मी सनराइज बैंक, कुमारी बैंक, सिटिजन्स बैंक, ग्लोबल आईएमई बैंक, सिद्धार्थ बैंक, माछापुच्छ्रे बैंक, नेपाल एसबीआई बैंक, एभरेष्ट बैंक, प्रभु बैंक, राष्ट्रिय वाणिज्य बैंक, स्ट्याण्डर्ड चार्टर्ड र हिमालयन बैंकले मंसिरकै ब्याजदरलाई पुसका लागि पनि निरन्तरता दिएका छन् ।
